Creo que é moi importante traballar a escritura creativa, ensinarlle ao alumno a manexar papel en branco. E defendo firmemente que a creatividade ou o talento para escribir non é algo que veña da nada, senón que é educable. Para que o noso alumnado escriba textos debemos darlles moitas estratexias.
Iso é o que pretendo con esta actividade que vos traio hoxe: pasos a seguir para crear un poema.
Para escribir un bo poema ensino os seguintes pasos aos meus alumnos. E asegúrovos que, se os seguides, calquera alumno pode crear un texto poético digno de premio.
Estes son os pasos:
1.ESCOLLE O TEMA
É un paso fundamental e diso depende a intensidade e a forza do poema. Escribe de forma clara e concreta o tema do teu rap. O ideal é utilizar entre 3 e 10 palabras. Tenta sacar un tema como:
- compromiso ou denuncia social
- defensa dos principios básicos (liberdade, xustiza...
- temas máis emocionais e íntimos (expresar emocións como odio, amor, rabia...)
2.ESCRIBE 4 PALABRAS CLAVE RELACIONADAS CON ESE TEMA E DESPOIS ESCRIBE UNHA PALABRA QUE RIME CON CADA UNHA.
Pensa en 4 palabras clave (as que son máis relevantes para o tema). Despois busca palabras que rimen con cada unha delas e que teñan sentido no tema. Para buscar palabras que riman, este buscador é moi bo e dános moitas opcións.
3.FORMA OS VERSOS.
Con cada par de palabras fai dous versos. Lembra que a palabra rima vai ao final
4. ESCRIBE UN CORO
Escribe un coro utilizando o recurso Anáfora: consiste en repetir unha ou varias palabras ao comezo da oración, pero cambia o final da oración.
5. ÚNETE TODO O RESULTADO SEGUINTE A SEGUINTE ESTRUTURA.
Versos 1, 2, 3 e 4.
Coro
Versos 5, 6, 7 e 8
Coro
Podedes ver o poema que escribiu unha alumna de cuarto de primaria no que defende o sexismo nos xoguetes.
SEXISMO
Non entendo unha cousa
porque as nenas se identifican co rosa
E porque os nenos co azul
todo azul no seu baúl.
Por que,por que?
Isto xa tiña que estar resolto
Por que,por que?
Demos o salto
Nos anuncios no que hai nenos anuncian policías
wow que guay os nenos dicían.
Pero nos que hai nenas unha bonequiña
elas aloumiñan as súas barriguiñas.
Por que,por que?
Isto xa tiña que estar resolto
Por que, por que?
Demos o salto.
Celia
Podes descargar a plantilla en galego aquí:
